Cofnodion - Y Pwyllgor Busnes

Lleoliad:

Swyddfa’r Llywydd, 4ydd llawr - Tŷ Hywel

Dyddiad: Dydd Mawrth, 22 Tachwedd 2016

Amser: 08.30 - 09.20

Preifat

Yn bresennol

Categori	Enwau
Aelodau’r Pwyllgor:	Elin Jones AC (Cadeirydd) Jane Hutt AC Rhun ap Iorwerth AC Paul Davies AC David J Rowlands AC
Staff y Pwyllgor:	Aled Elwyn Jones (Clerc)
Eraill yn bresennol	Ann Jones AC, Y Dirprwy Lywydd Siân Wilkins, Pennaeth Gwasanaeth y Siambr a Phwyllgorau Christopher Warner, Pennaeth Gwasanaeth y Pwyllgorau Polisi a Deddfwriaeth, Pennaeth Pwyllgorau Polisi a Deddfwriaeth Helen Carey, Llywodraeth Cymru

<AI1>

1 Cyflwyniad, ymddiheuriadau a dirprwyon

</AI1>

<AI2>

2 Cofnodion y cyfarfod blaenorol

Cytunodd y Pwyllgor ar y cofnodion i'w cyhoeddi.

</AI2>

<AI3>

3 Trefn busnes

</AI3>

<AI4>

3.1 Busnes yr wythnos hon

Bydd Ysgrifennydd y Cabinet dros Addysg yn gwneud datganiad am Adolygiad Diamond o Addysg Uwch a Threfniadau Cyllid Myfyrwyr Cymru ddydd Mawrth

Bydd cynnig i ddiwygio Rheol Sefydlog 26 ynglŷn â Biliau Aelodau yn cael ei wneud ar ôl y datganiadau 90 eiliad ddydd Mercher.

Byddai’r Cyfnod Pleidleisio ar ddydd Mawrth yn digwydd ar ôl yr eitem olaf o fusnes. Cytunodd y Pwyllgor Busnes y byddai'r Cyfnod Pleidleisio yn cael ei gynnal cyn y Ddadl Fer ar ddydd Mercher.

</AI4>

<AI5>

3.2 Amserlen Busnes y Llywodraeth ar gyfer y tair wythnos nesaf

Nododd y Pwyllgor Busnes Amserlen Busnes y Llywodraeth ar gyfer y tair wythnos nesaf.

</AI5>

<AI6>

3.3 Amserlen Busnes y Llywodraeth ar gyfer y tair wythnos nesaf

Penderfynodd y Pwyllgor Busnes ar drefn busnes y Cynulliad a chytunodd i gynnwys yr eitemau o fusnes a ganlyn ar yr amserlen:

Dydd Mercher 14 Rhagfyr 2016 –

· Datganiadau 90 Eiliad (5 munud)

· Amser a neilltuwyd i Blaid Cymru (120 munud)

· Amser a neilltuwyd i'r Ceidwadwyr Cymreig (60 munud)

· Dadl Fer - Bethan Jenkins (Gorllewin De Cymru) (30 munud)

</AI6>

<AI7>

4 Deddfwriaeth

</AI7>

<AI8>

4.1 Y Bil Anghenion Dysgu Ychwanegol a'r Tribiwnlys Addysg (Cymru)

Cytunodd y Rheolwyr Busnes, mewn egwyddor, i gyfeirio’r Bil Anghenion Dysgu Ychwanegol a'r Tribiwnlys Addysg (Cymru) at y  Pwyllgor Plant, Pobl Ifanc ac Addysg i’w drafod.

Cytunodd y Rheolwyr Busnes i ohirio penderfyniad ynghylch amserlen y Bil a’i drafod mewn cyfarfod yn y dyfodol, i roi amser i ymgynghori â'r Pwyllgor Plant, Pobl Ifanc ac Addysg.

</AI8>

<AI9>

4.2 Memorandwm Cydsyniad Deddfwriaethol ar Fil Cymru

Trafododd y Pwyllgor Busnes bapur gan y Llywodraeth ynghylch Memorandwm Cydsyniad Deddfwriaethol mewn perthynas â Bil Cymru.

Cytunodd y Rheolwyr Busnes i gyfeirio'r Memorandwm Cydsyniad Deddfwriaethol at y Pwyllgor Materion Cyfansoddiadol a Deddfwriaethol er mwyn iddo graffu arno. Cytunodd y Pwyllgor Busnes hefyd y dylai’r Pwyllgor gyflwyno adroddiad ar y Memorandwm erbyn dydd Iau, 12 Ionawr 2017.

Rhoddodd y Llywodraeth hefyd wybod i’r rheolwyr busnes y gall cynnig cydsyniad deddfwriaethol atodol godi yn dilyn diwygiadau a wneir i'r Bil.

</AI9>

<AI10>

4.3 Memorandwm Cydsyniad Deddfwriaethol ar Fil Cyflenwadau Meddygol y Gwasanaeth Iechyd (Costau)

Trafododd y Pwyllgor Busnes bapur gan y llywodraeth ynghylch Memorandwm Cydsyniad Deddfwriaethol atodol mewn perthynas â Bil Cyflenwadau Meddygol y Gwasanaethau Iechyd (Costau).

Cytunodd y Rheolwyr Busnes i gyfeirio'r Memorandwm Cydsyniad Deddfwriaethol at y Pwyllgor Iechyd, Gofal Cymdeithasol a Chwaraeon er mwyn iddo graffu arno. Cytunodd y Pwyllgor Busnes hefyd y dylai’r Pwyllgor gyflwyno adroddiad ar y Memorandwm erbyn dydd Mawrth 17 Ionawr 2017 er mwyn medru trafod y Cynnig Cydsyniad Deddfwriaethol yn y Cyfarfod Llawn ddydd Mawrth 17 Ionawr 2017.

</AI10>

<AI11>

4.4 Memorandwm Cydsyniad Deddfwriaethol ar y Bil Addysg Uwch ac Ymchwil

Trafododd y Pwyllgor Busnes bapur gan y Llywodraeth ynghylch Memorandwm Cydsyniad Deddfwriaethol mewn perthynas â Bil Addysg Uwch ac Ymchwil.

Cytunodd y Rheolwyr Busnes i gyfeirio'r Memorandwm Cydsyniad Deddfwriaethol at y Pwyllgor Plant, Pobl Ifanc ac Addysg er mwyn iddo graffu arno.

Cytunodd y Rheolwyr Busnes hefyd y dylai’r Pwyllgor gyflwyno adroddiad ar y Memorandwm erbyn dydd Iau, 12 Ionawr 2017 er mwyn medru trafod y Cynnig Cydsyniad Deddfwriaethol yn y Cyfarfod Llawn ddydd Mawrth 17 Ionawr 2017.

</AI11>

<AI12>

5 Defnyddio amser yn y Cyfarfod Llawn

</AI12>

<AI13>

5.1 Biliau Aelodau - y weithdrefn ar gyfer dadleuon ar Filiau Arfaethedig

Ystyriodd y rheolwyr busnes ganllawiau drafft sydd i'w dosbarthu i’r Aelodau cyn cyflwyno gweithdrefn newydd ar gyfer trafod deddfwriaeth arfaethedig gan Aelodau yn y Cyfarfod Llawn.

Trafododd y Pwyllgor y drafft gan gytuno ar y newidiadau a oedd i’w gwneud. Cytunodd y Clerc i ddosbarthu’r drafft diwygiedig drwy’r e-bost i gytuno arno.

</AI13>

<AI14>

6 Y Pwyllgor Busnes

</AI14>

<AI15>

6.1 Grwpiau a chynrychiolaeth ar y Pwyllgor Busnes

Bu'r Pwyllgor Busnes yn ystyried papur ar Grwpiau a Chynrychiolaeth ar y Pwyllgor Busnes.

Cytunodd y Pwyllgor i ddiystyru opsiwn 1, ac i ysgrifennu at y 3 aelod nad oeddent yn perthyn i’r un Grŵp i ofyn am eu barn am y dewisiadau posibl eraill.

</AI15>

<TRAILER_SECTION>

</TRAILER_SECTION>

<LAYOUT_SECTION>

1.FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2FIELD_TITLE

</TITLE_ONLY_SUBNUMBER_LAYOUT_SECTION>